| 豬小姐 的个人资料愛巢照片日志列表 |  工具  帮助 |
|
12月25日 Merry Christmas 之大嶼山半年前抽籤，揀咗聖誕前同屋企人去大嶼山既渡假屋到玩兩日一夜．．．
間渡假屋又大又企理，很不錯．．．而且仲望海景添呢～
 不過因為隔涉，所以搭車比較麻煩（因為得兩架巴士會到，而巴士又要成半個至一個鐘頭一班！）
入到去，當然唔少得晌個可以開三檯既露台度BBQ一番啦．．
B到成點鐘，終於收拾好，再嚟，就係竹戰年場啦．．．八圈牌，打到天光咁添．．．成五點幾先去瞓！ x_x
第二朝瞓到近一點先起身，食過早餐／午餐，再竹戰多四圈．．．終於五點零鐘收拾細軟，準備回程～～
夜晚晌東涌，同屋企人食過晚飯先返屋企呢．．．大家都玩得好開心～  12月22日 低ｂ日誌12月18日 暴飲暴食呵呵．．．．好耐無食過buffet啦．．．
今日，難得豆請食buffet，咁就梗係要不顧一切咁暴飲暴食啦．．．．
 一行十六人分兩檯．．．一個鐘頭既奀豬．．．大家都搏命咁暴飲暴食．．．．食物水準不錯，亦都頗多選擇．．．
就係service麻麻地．．．（唔係佢哋唔好禮貌，但始乎人手不足吧？點餐茶要等好耐．．又成日俾漏奶，teaspoon....）
但對於可以食免費餐嚟講，還是很好啦．．．呵呵．．．
而家我已經晌度．．．
飽暖．．．．．．．．．．．．．．．．．．．．思床褥～ XD 12月11日 聖誕禮物....真係無諗過，釘聊竟然送．．．．．．．．．．．．．．．PSP俾我做聖誕禮物
 ．．．嘻嘻 不過，未買memory stick．．所以無得玩．．．（因為每次都要由頭玩，無得save，好鬼煩．．．）  12月4日 日本語能力試（三級）尋日一朝早，六點幾就起咗身．．．
匆匆咁梳洗好，七點三個字就嘭嘭聲咁出門口．．．
呵欠．．．真係好眼瞓．．．八點鬆啲，嚟到考場，但八點半先開始進場喎～
咁就唯有企埋一二邊，溫下習先啦．．．
呢個事，幾年前已經考咗passed埋架啦．．．點解今年再考？當然唔係因為痕啦．．．因為讀緊日文可以申請持續進修基金，咁為咗meet 到佢既 requirement，唯有考多次啦．．．
不過，上次就考得好麻麻．．．listening 唔合格，要靠其他部份拉返均總分，先至緊緊passed咋．．
經過呢一兩年既課程，加上今年都係由日本人老師教授．．日子有功之下．．．自覺平時最唔掂既 listening 都進步不少．．
 所以，對於今次既呢個考試．．都有好多既信心攞到比之前一次更好既成績．．．
但．．．故事仲未完結呀．．．因為嚟緊星期四要考校內既學期試．．．呢個真係深好多呀．．．好擔心又好緊張．．．所以，依然要繼續閉關努力！ 11月11日 豬小姐雖則天真的蠢豬 我未搏得歡呼讚譽
然而有你愛上我的短處 快樂也許不必富庶 繁盛世界慣了已冷眼 去看我滑稽的際遇 能令你去發笑 也有用處 我用傻事去捐輸 多麼蠢的蠢豬 個個也來揶揄 充當不起公主 並沒段段艷遇 悠然面對這悲劇遭遇 齊集給了你當笑話書 多麼蠢的蠢豬 我勝過條人魚 即使爭都爭輸 仍然從未怪罪於天主 就當戀愛運很特殊 其望你前來叫我蠢豬 講愛情暗語 即使悲觀的烏龜 我亦看出牠的美麗 仍然有你愛我我都矜貴 快樂要先拋開智慧 誰又會似隻蟻去獻世 各有各獨一的慣例 同樣你愛錫我 那有代替 證實人沒有高低 開心多麼簡單 要愛有何疑難 不必苦苦支撐 但願是是但但 誰人自怨說生活艱難 成就似爬完勉強高攀 開心多麼簡單 那怕愛人平凡 A餐B餐C餐 原來無論吃什麼早餐 共你的每日都燦爛 而幸福秘訣太過簡單 於好處著眼 多麼蠢的蠢豬 個個也來揶揄 充當不起公主 並沒段段艷遇 悠然面對這悲劇遭遇 齊集給了你當笑話書 多麼蠢的蠢豬 我勝過條人魚 即使爭都爭輸 仍然從未怪罪於天主 就當戀愛運很特殊 其望你前來叫我蠢豬 講愛情暗語 豬先生雖則天真的蠢豬 我未搏得歡呼讚譽 然而有你愛上我的短處 快樂也許不必富庶 繁盛世界慣了已冷眼 去看我滑稽的際遇 能令你去發笑 也有用處 我用傻事去捐輸 多麼蠢的蠢豬 個個也來揶揄 高攀不起公主 並沒段段艷遇 悠然面對這悲劇遭遇 齊集給了你當笑話書 多麼蠢的蠢豬 愛上那條人魚 即使爭都爭輸 仍然從未怪罪於天主 自信戀愛運很特殊 明日你前來叫我蠢豬 講愛情暗語 即使悲觀的烏龜 我亦看出牠的美麗 仍然有你愛我我都矜貴 快樂要先拋開智慧 誰又會似隻蟻去獻世 各有各獨一的慣例 同樣你愛錫我 那有代替 證實人沒有高低 開心多麼簡單 要愛有何疑難 不必苦苦支撐 但願是是但但 誰人自怨說生活艱難 成就似爬完勉強高攀 開心多麼簡單 那怕愛人平凡 A餐B餐C餐 原來無論吃什麼早餐 共你的每日都燦爛 而幸福秘訣太過簡單 於好處著眼 多麼蠢的蠢豬 個個也來揶揄 高攀不起公主 並沒段段艷遇 悠然面對這悲劇遭遇 齊集給了你當笑話書 多麼蠢的蠢豬 愛上那條人魚 即使爭都爭輸 仍然從未怪罪於天主 自信戀愛運很特殊 明日你前來叫我蠢豬 講愛情暗語 10月27日 おめでとう～～～（給我最好的好朋友＞＞＞我的伴娘）
其實想講好耐架啦～（不過你果時未夠三個月）
嘻嘻．．好開心呀．．．你要小心身體呀～
希望你可以生個肥肥白白精靈可愛既小乖乖～
 其實，晌未知道之前，我都有幻想過，我地會唔會一齊大肚呢？哈哈．．．
我諗我都要努力啲先得～呵～ 10月13日 黑氣纏身呀～～～～～～～～～～噚晚放工趕返學，放學趕魚+，魚完+趕返屋企．．．．
就晌十一點兩個字，放到屋企附近時，突然發現點解自己拎咁少嘢既？？
咦？我個書袋呢？？？？？
 嗚．．．我啲功課，書，碌屎都晌哂入面架．．．． 都唔知自己記時放低咗晌邊．．．．．
 噚晚一發現就即刻打去魚+果度問架啦．．．．但佢哋話無喎～
一陣晏少少就打發學校問啦唯有．．． 好唔開心好唔開心好唔開心呀．．．．．．．．．．噚晚down咗一晚．．．．．
 嗚．．．黑氣請你遠離我．．．．  9月6日 最近上迷上了．．．．大牛龜．．．．
 一向鍾意影相既我，除咗鍾意玩自拍，仲鍾意周圍影影影．．．．
 除咗一部 DC 之外，可以影相既電話都可以話係我既恩物．．．
 不過，最近呢兩樣嘢開始唔可以滿足我啦．．．
星期六果日，走入百老會，拎起部 Sony 新出既 1000 萬像嚟玩吓．．．嘩．．個感腳真係好唔同呀～～～好好 feel．．．尤其鍾意佢果一聲咔嚓．．好爽咁．．．好正呀～～～一試就迷上啦～～～
 不過齋機都要六千幾呀．．．貴～～～
 我要努力搵錢 + 儲錢．．．要將佢據為己有先得！  寶貴的時間釘聊同我講，以前都唔覺得時間係咁寶貴既，直至我睇中咗一隻三千幾蚊既 B 仔錶．．．．．  8月24日 學腳語8月17日 好可怕．．．．尋日，食奀豬時，秋香突然走過嚟問我星期五同唔同大秘豬佢哋一齊奀豬～
咁我就梗係好突然啦，咪問下咩樹囉～～～原來果日係大秘豬既 last day!!!!
我既第一個反應就係：下？點解既？佢自己唔做呀？
秋香：你唔好問咁多啦～～（笑笑口咁答我．．係笑得好開心，由個心笑出嚟咁．．．）
佢不嬲都唔妥大秘豬既．．．．成日大秘豬一行開，佢就晌我哋附近大大聲咁講佢既壞話架啦～～ 近來大秘豬俾佢捉到啲嘢．．．（其實都唔係大件事，亦唔係啲咩錯） 終於都．．．．．唉～ 終於，今日再收到風：
原來大秘豬親耳聽到，女魔頭向公司最大既老板進柬：
大秘豬又做唔到野（唔係化．．．佢仲叫做唔到野？） 近排又成日晌返工時間去睇鐵打（人地整親手喎，又唔係無請假！） 加上佢又整親隻手，都做唔到野架啦．．．． 所以建議炒左大秘豬．．．．．．．．．．．．．．．． 好黑暗．．． ><||| 搞到我而家晌呢間公司都無乜心機添．．．．都係勤勤力力讀日文，出年考個二級返嚟轉工好了～ 8月1日 Secret House九點幾就起身．．．同埋屋企人一行五人，向 Hello Kitty Secret House 進發～～～
去到會場，約十點半左右啦．．．可能仲係好早啦，都唔係好多人～～ 晌入口果度，申請咗張好靚靚既 Kitty 信用咭就任去 lu~~ 入到去，都算多嘢睇既，地方都大．．．不過可惜唔俾人行返轉頭，所以，睇漏咗就係睇漏咗．．．唉～ 終於去到終點站啦．．．都只係行咗個零鐘咋．．．乜咁快完既？？？由於之前有好好人既小 pizza 幫我買咗紀念品，所以今次無買咁滯啦（都買咗個蘋果） 由於山口裕子小姐個簽名會晌兩點先開始（分三場：11am, 14:00pm, 17:00pm，我係兩點果場），所以搭返車出去食咗奀豬先～～～咕咕咕～～ 食到一點幾，已經心急趕住返去登記簽名會啦～～～
去到車站一睇．．．嘩，多咗好多人呀～～～ 好彩，都趕得切返去會場～ 等咗一陣~wowwowo~~~山口裕子小姐出場啦～～～
佢畫得好好好快手呀．．．約三分鐘左右就搞掂一毎簽名～～ 登登登登．．．．． 我終於有一幅 Kitty & Daniel 既手稿畫兼山口裕子小姐既親筆簽名啦～～ 7月26日 山口裕子6月25日 2006 下水禮鈴鈴鈴～～鈴鈴鈴．．．．．
咦．．八點幾嗱？？雖然仲好想瞓，但出面實在係好好好天呀．．．．好．．．即刻起身梳洗，向清水灣沙灘出發～～～ \(^ ^)/ 晌屋企樓下食左早餐，去地鐵站附近果個車站搭小巴出發～～～約十點半左右，終於黎到清水灣二灘（大灘啦）．．．yeah~
落到沙灘，第一件事就梗係搵士多租 locker 啦（以前去石澳時都係咁做的了）．．．咦？點解周圍一間士多都無既？？？？一問之下．．．完來呢個灘係正苦管轄，想晌度開士多？月租盛惠七萬蚊．．．嘩．．咁貴，唔怪之得無人租無人開舖啦！！！！激死人啦～～～
呢度真係好靚，水清沙幼咁，同石澳果邊（真係污糟好多呀 ><|||）差好遠．．．嗚．．．我唔係水都無得落就要返屋企卦？？？？
好彩，問到一灘（細灘）果邊有士多有locker租既．．．好野，即刻出發．．．．
嘩．．．．一灘雖然細ｄ，但少人好好好好多呀～（梗係啦，要去一灘，要行一條三百幾四百級既樓梯架喎）．．．而且同樣水清沙幼．．．．太好啦～～～即刻走去士多度租 locker 先．．．放好ｄ袋呀衫呀就可以舉行我既2006年下水典禮啦～～～～ ^3^
呢度租 locker 都平過石澳好多呀～同樣係包沖身，但呢邊就 $10，石澳就要 $25．．．
 安頓好ｄ隨身物之後．．．好野，落水啦～～～～嘩．．．好清好清呀．．．．就算去到水深及頸既地方，雖，然可以遊過ｄ水望到自己對腳．．．呢ｄ係晌石澳果邊無可能做到既事呀～～～～好舒服，好開心呀～～～
玩玩玩，游游游．．．差唔多十二點，陽光會越黎越猛烈～～～為免曬傷，唔捨得都要上水啦．．．．
弊，locker 條鎖匙唔見左既？？？唉．．．條繩既結實在太易鬆啦．．．好在，都係賠返十蚊姐．．．^_^|||
入到去沖身果度．．．亦都嚇左一跳，比起石澳果邊簡漏得多．．．．而且係無熱水既～（我想沖少少暖水嘛）．．．不過又平又方便，都算啦～～～ 終於要同呢個咁靚既沙灘講拜拜啦～～～我一定會經常黎架～～～>3<
後記：雖然返出去時要行好多好多級樓梯，但食住雪條一路行，中途停下望下個沙灘，都唔覺辛苦，好快咁就行返上去 lu~~ |
～不過由於要返工，唔可以第一時間先睹為快呀～
）
|
|
