| 豬小姐 的个人资料愛巢照片日志列表 |  工具  帮助 |
|
6月25日 2006 下水禮鈴鈴鈴～～鈴鈴鈴．．．．．
咦．．八點幾嗱？？雖然仲好想瞓，但出面實在係好好好天呀．．．．好．．．即刻起身梳洗，向清水灣沙灘出發～～～ \(^ ^)/ 晌屋企樓下食左早餐，去地鐵站附近果個車站搭小巴出發～～～約十點半左右，終於黎到清水灣二灘（大灘啦）．．．yeah~
落到沙灘，第一件事就梗係搵士多租 locker 啦（以前去石澳時都係咁做的了）．．．咦？點解周圍一間士多都無既？？？？一問之下．．．完來呢個灘係正苦管轄，想晌度開士多？月租盛惠七萬蚊．．．嘩．．咁貴，唔怪之得無人租無人開舖啦！！！！激死人啦～～～
呢度真係好靚，水清沙幼咁，同石澳果邊（真係污糟好多呀 ><|||）差好遠．．．嗚．．．我唔係水都無得落就要返屋企卦？？？？
好彩，問到一灘（細灘）果邊有士多有locker租既．．．好野，即刻出發．．．．
嘩．．．．一灘雖然細ｄ，但少人好好好好多呀～（梗係啦，要去一灘，要行一條三百幾四百級既樓梯架喎）．．．而且同樣水清沙幼．．．．太好啦～～～即刻走去士多度租 locker 先．．．放好ｄ袋呀衫呀就可以舉行我既2006年下水典禮啦～～～～ ^3^
呢度租 locker 都平過石澳好多呀～同樣係包沖身，但呢邊就 $10，石澳就要 $25．．．
 安頓好ｄ隨身物之後．．．好野，落水啦～～～～嘩．．．好清好清呀．．．．就算去到水深及頸既地方，雖，然可以遊過ｄ水望到自己對腳．．．呢ｄ係晌石澳果邊無可能做到既事呀～～～～好舒服，好開心呀～～～
玩玩玩，游游游．．．差唔多十二點，陽光會越黎越猛烈～～～為免曬傷，唔捨得都要上水啦．．．．
弊，locker 條鎖匙唔見左既？？？唉．．．條繩既結實在太易鬆啦．．．好在，都係賠返十蚊姐．．．^_^|||
入到去沖身果度．．．亦都嚇左一跳，比起石澳果邊簡漏得多．．．．而且係無熱水既～（我想沖少少暖水嘛）．．．不過又平又方便，都算啦～～～ 終於要同呢個咁靚既沙灘講拜拜啦～～～我一定會經常黎架～～～>3<
後記：雖然返出去時要行好多好多級樓梯，但食住雪條一路行，中途停下望下個沙灘，都唔覺辛苦，好快咁就行返上去 lu~~ Happy Birthday to Me乜話～又生日？？
 呵呵，梗係唔係啦～～～
事緣係我兩個好好好好朋友．．．．尋晚同我食飯補祝生日呢～～～
 我哋去咗時代十一樓既 Simply Thai 度 Dinner．．．．食物都唔錯架，又有我好鍾意食既軟殼蟹喎～（雖然硬咗少少）
我哋食到好飽呀．．．．．啲嘢都唔係幾食得哂咁．．． 不過又傾又講又影吓相咁，好開心～～～  食咗飯之後，大家一齊行咗一陣街．．．．睇吓衫睇吓鞋咁啦～～
最好笑係睇鞋，我同美麗的 K 仲笑到差啲賴添呀～～哈哈～～～ 大約十點，由於 K 太而家住到好遠，所以佢要做灰姑娘呢～～～～～～
希望佢可以快啲搬返出嚟港島區，咁我哋三個又可以時時見面啦～～
p.s. 多謝美麗的 K 太 & 靚靚的 L 太  6月20日 唔開心～～～～今日，秋香派信俾同事．．．但我無份～～～
本來都唔知既．．．係同事 SL 突然問我收咗封信未～我先知原來秋香派信，封信係寫七月開始出新糧．．．．即係：加人工
我收唔到．．．咪就係我無份囉～～～
嗚．．．同事佢哋話，可能我 probation 有得加，所以而家無喎．．．佢哋果時過 probation 都無得加添喎～～～
係啫．．．咁 probation 還 probation，加薪還加薪架嘛～～～～即刻無哂心機～  6月14日 她約我去迪士尼 – 玩玩玩篇二零零六年六月十一日星期日，下晏一點左右，終於到左迪士尼啦．．．．．． yeah~~~ 入到去，梗係拿拿聲走去玩玩玩啦～～ 晌入口附近，咦？點解咁多人圍哂晌度既？哦．．．原來係巡遊呀．．．好，即刻企定定霸返個靚位影相先  ～～～ 歷時約半個鐘既巡遊，都幾唔錯架．．．但感覺上，都係日本迪士尺既氣氛好好多  ～～～ 睇完巡遊，即刻o彭o彭聲走去玩啦～ 第一站：大空飛碟 見到人龍唔太長，即刻排隊啦．．．但其實都要排成半個鐘架．．．．玩既時間就．．．兩分鐘度囉～～～ 呢個設施，其實無乜特別，只係晌度轉轉轉咁，而坐位前面就有支控制桿，可以自己控制升降咁既．．．不過都算玩得開心．．． 第二站：飛越太空山 本來諗住只係去拎左快證先，轉頭夠鐘先去玩既，但又係見唔太多人，咁就照排啦．．．．排左大約廿分鐘，終於到我地啦．．．好，上車預備出發．．．．嗚．．．完來一開始，係會周圍黑蚊蚊咁架，仲要係伸手不見五指果隻喎．嗚．．好驚呀．．我好怕黑架嘛～  不過好快，就有少少光出現啦．．．入面係模仿大空既環境咁，周圍有好多扮星星咁既燈，都 OK 架～ 車速方面，可以話係幾快下，又會將個人西黎西去咁．．．都幾刺激呢～ 第三站：樂園火車 一出到黎．．．嗚  ．．．開始落雨啦 ．．．仲要越落越大咁．．．唉～～～咁唯有去坐下樂園火車，睇下風景先啦．．．． =_=||| 其實都無乜風景可言．．．因為見得最多既就係：樹，樹同埋樹囉～ 第四站：旋轉木馬 由於仲係落緊雨，咁去玩ｄ有瓦遮頭既遊戲先：旋轉木馬 雀雀好鍾意玩架，總之去每一個樂園都要玩一次先心息既  ～～～ 第四站：奧斯卡 雨仍然係越落越大．．．點算？去玩下ｄ室內野先～ 終於，排隊入去睇奧斯卡．．．四點左右，排左一陣．．咦？咁快可以入場？？而且又好少人排隊咁喎．．．原來要五點先開始．．． -_- 無辦法啦，排緊咯，出面又落雨，雖然仲有成大半個鐘，都照等啦．．． 終於可以入去啦．．奧斯卡真係好唔錯！值得一睇！  第五站：小飛象 好似無乜雨啦．．．小飛象又唔係咁多人排．．即刻去排隊先～～～原來玩法同太空飛碟係一樣的．．．而且，由於頭先落雨既關係，好多之前玩既人，都用紙巾抹過，但ｄ紙巾就掉哂晌個座位度．．．可惡呀～  第五站：3D立體電影 仲係有毛毛雨呀．．．所以都係玩返室內野先．．． 呢度只係排廿分鐘左右．．好，即刻入去先～ 立體電影，就梗係要戴返副 3D 眼鏡去睇啦．．．嘩～真係好正呢．．真係好似有野會飛埋黎咁呀．．．睇到忍唔住要左閃右避咁呢～ XD 玩左咁耐都好餓呢．．．所以走左去ｅ肚先～～  第六站：森林河流之旅 食飽飽啦．．．出到黎，個天都黑哂 lu～～呢個時候，梗係玩ｄ有氣氛既遊戲啦～～ 其實都幾刺激架．．．好幾次都差ｄ濕身呢～ 我諗係文化既差別問題，以前晌日本迪士尼度玩，ｄ工作人員講得好有感情架～～而入去玩既人，亦都做足反應呢～～但係今次．．．工作人員有工作人員講（佢都好努力好俾心機咁嚇我地架），玩既人有咁沉默得咁沉默，氣份真係差好遠囉．．．而且亦有ｄ唔夠盡興既感覺呀～～～ 玩左六樣樂園設施之後，已經到左八點鐘啦～～～夠鐘放煙花 lu~~ ^3^ 真係好靚呢．．．而且，可能香港迪士尼唔係咁大啦，所以都可以好近咁睇到．．．．真係好好好靚呀～～～～ 睇完煙花，樂園既機動設施都已經關哂啦～～～呢個時候，就梗係去行下樂園既商店，咁先至完滿架嘛～ 香港迪士尼樂園．．．我一定會再黎探你呢～ ^_^/ 她約我去迪士尼 – 出發篇早幾日（星期四）收到呀姨既電話，問我星期日（有無興趣去迪士尼～～～重點係．．．．入場飛半價！！！！咁就梗係有興趣啦．．．嘻嘻嘻～～～  ）星期五果日，又黃又紅又黑又黃．．．．搞到成個香港都好似水浸咁．．．唉．．．心諗，星期日都應該去唔成架啦～～～～ 咦，點知星期六個天又好似 OK 返好多咁喎，雖然都仲有少少雨，但已經算係近嚟幾好天既一日架啦．．．．．（唉．．落左好多日雨啦．．．落到個人都無哂心機）．．．．星期日去老鼠樂園有望啦～～ 終於，星期日一早九點鐘：從來亦無自信，人云亦云．．．．．呀姨打俾我呀～～（我用咗刻不容緩做屋企人既鈴聲 ．．吃吃～）yeah~~~~~~~約好十二點晌中環等～～～ 即刻起身梳洗兼準備一下先～～～上下網，搞下ｄ咭數之類．．．唔經唔覺就已經十一點啦．．．弊，仲未食早餐．．． 唔理啦，即刻換衫出發啦～～～～ ．．．玩玩玩迪士尼快將推出，請繼續支持  6月6日 二零零六年六月三日星期六（陰）- 海洋公園篇呢一日，係小妹既牛一．．．．
一大清早，其實都唔係咁早，約九點幾啦．．．就起身梳洗一吓，準備出門口了．．．
去邊？？？咪就係去玩，去癲，嚟 Ocean Park 囉～～～～
十點左右出門口，同釘聊去咗麥當當嘆咗個早餐先～
十一點半左右去到金鐘．．．嘩，真係無諗過咁多人囉～～
我哋排到第三班車先上到車（仲要係好後下，不過好彩有位坐～
 終於出發啦．．．．計落，我都有十年八載未去過海洋公園呢～～（出賣釘聊先，嘻嘻：其實佢係從來都未去過海洋公園架！）
十二點左右．．．到達咗海洋公園既門口啦．．我即刻拎張身份証出嚟，走埋去賣飛既 counter 問吓．．．嘻，真係有免費入場呢．．．好開心～～～～
以前，去海洋公園，都會玩吓過山車呀，八爪魚之類．．．但係，由於釘聊佢．．．係畏高既．．．所以，咩都無得玩～
 晌咁既情況吓，唯有周圍行吓影吓相咁啦～～～～
晌行海洋館既時候，發生咗一個小插曲，就係嚮警鐘！！！！所有遊客都要出返去．．．不過，最終都唔知發生咩事呀．．．而果時約莫係兩點半左右，已經好餓啦．．．所以去咗食奀豬～
 奀豬之後，其實都不過係半個鐘既事，海洋館已經開返啦．．．所以，同釘聊再入去行多次～～～我好鍾意睇海洋既野，所以覺得好開心，而且，仲見到潛水員晌度餵魚呢！！！
之後，就去咗新開既水母館．．．．嘩．．．好多水母呀，有大有細既，好得意好靚呀～～～～行到最後，仲有好得意既影子打水母．．．好過癮～～～哈哈～
 出嚟之後，行多一陣，都差多五點．．．即刻 ban ban 聲咁走去海洋劇場果度睇表演～～～
好可惜，海威（殺人鯨）晌幾年前已經離開咗我哋啦．．．所以，當日只係見到海豚同埋海獅既表演，不過都好精彩呢！！！而且，而家新加咗邀請現場觀眾參與添，啲人都好勇躍架．．．（本來我都想架，不過梗係唔多好意思咁）
睇完表演，好辛苦先”蟻”到畏高既釘聊陪我搭吓吊車去另一邊咋．．．．
去到另一邊之後，都係去吓兒童樂園果邊玩吓小型摩天輪，同埋行吓金魚園～～～估唔到金魚係有咁多唔同既品種呢～～～～
終於．．．玩到近七點既閂門時間，先至依依不捨咁告別妳：再見啦，海洋公園，有機會我一定會再嚟探你架～～～～  二零零六年六月三日星期六（陰）- 生日蛋糕篇三十年前既呢一日，係小妹既誔生日．．．
唔經唔覺，又轉一個 Big Figure．．．日子真係過得好快～～～～
 其實，近幾年既生日，都係咁過架啦，無咩驚喜，無咩特別．．．．．
相信今年都唔例外．．．．
小妹晌呢一日，亦一如平日咁，埋首晌電腦前～～～～
十二點左右，釘聊晌廚房出嚟，拎住我好鍾意食既意大利茄芝士餅條，仲要係我想試既新口味士多啤梨添～～好開心．．．不過由於都已經咁夜，所以都係諗住留返第二日先食．．．．
隔咗一陣，釘聊突然熄咗廳既燈．．．不過我都無咩為意，因為佢成日都係咁，會熄錯燈既～～～
點知，等咗一陣佢都唔開燈既？望下先．．．佢竟然再捧住一個點咗蠟燭既生日蛋糕晌廚房出嚟！！！今次真係好驚喜啦．．．諗都無諗過呢～～～～嘻嘻．．．好開心～～～～
呢晚．．．掛住上網上到兩點幾添．．．要返啲瞓，第二日（正日）同釘聊會去海洋公園過生日呢！ |
|
|
